Vit, sum samla samfelag kunnu bæði síggja og føla ávirkanina, sum ógvusliga príshækkanin hevur á okkum, serliga familjur, ið eru illa fyri fíggjarliga. Hetta má gerast okkurt við og tað eru nærum allir flokkar samdir um. Tí er uppskotið hjá mær og sambandsflokkinum, at talan er um at veita ein stuðul til tey, ið eru harðast rakt og samstundis at lækka ella avtaka MVG á útvaldum lokalt framleiddum vørum. At keypa meira lokalt er eisini meiri burðardygt, tí minni flutningur skal til. Her SKAL takast hædd fyri, at ikki geva ov nógv, tí tað kann gera, at inflatiónin heftir seg og um tann rentuhækkingin, sum nú er hend, ikki er nóg mikið, so,verður hon koyrd longur upp, tó fara vit ikki at síggja hettar fyrr enn einaferð inn í 2023. Tað er tí ikki skilagott at brúka allar patrónirnar í byrsuni, fyri enn samlaðu ávirkanirnar síggjast.