​Bústaðir í samstarv við land, kommunu, bankar og vinnu

Her skulu fleiri bústaðir til. Hetta er nakað vit í Føroyum, serliga tey, ið skulu seta búgv av nýggjum, leggja merki til. Bústaðar marknaðurin er undir veldigum trýsti og tískil mugu vit seta í gongd verk og tiltøk, sum kunnu hjálpa at loysa hendan trupuleikan. Hettar er eitt tungt øki at seta gongd á, tí tað er so kapital tungt og peningaligt úrslit av at loysa bústaðar trupuleikan kann taka fleiri áratíggju at síggjast aftur. Tað, vit hava brúk fyri, eru nógv fleiri smáar og bíligar íbúðir ið eru til leigu, ikki sølu. Hettar fer at gera dynamikkin á bústaðarmarknaðinum nógv meiri flytiligan, so alt ikki er so bindandi. Ein slík loysn tekur nógv ár at fáa á glið og her skulu meiri enn bara ein aktørur til, so samstarv er av alstórum týdningi. Tó skulu vit fara í gongd beinavegin fyri at fáa úrslit skjótast gjørligt. Eg komi at útgreina hetta nærri í einum komandi skrivi.